ԵՐԵՎԱՆ, 25 նոյեմբերի — Sputnik. Կանանց նկատմամբ բռնության վերացման պայքարի միջազգային օրը Երևանում երթի դուրս եկած կանանց պահանջը ընտանեկան բռնությունը կանխարգելող օրենքի ընդունումն էր:
Կասյան փողոցից մեկնարկած երթի մասնակիցները Հանրապետության հրապարակում` կառավարության շենքի մոտ, ներկայացրեցին իրենց պահանջները։
![Митинг у здания Правительства в Ереване против домашнего насилия Митинг у здания Правительства в Ереване против домашнего насилия - Sputnik Արմենիա](https://cdn.am.sputniknews.ru/img/119/73/1197394_0:0:1600:1065_600x0_80_0_0_6dbc6bc483d38a8d4c24f13461d4bf12.jpg)
«Մենք այն սակավաթիվ երկրներից ենք, որը չունի նման օրենք: Դրա պատճառով էլ շատ կանայք անպաշտպան են, իսկ բռնությունը բավականին մեծ տարածում ունի մեր երկրում: Տարեկան մեկ տասնյակից ավելի կանայք են մահանում, շատերն էլ ենթարկվում են բռնության տարբեր տեսակների, առավել տարածված է ֆիզիկական ու հոգեբանական բռնությունը»,-ներկայացրեց ՀԿ-ներից մեկի անդամ Մարինե Ադամյանը:
Երթի մասնակիցները կանայք էին, բացառությամբ մի տղայի, ով կարծում է, որ Հայաստանում կանանց իրավունքները խախտված են, իսկ «տղամարդիկ նրանց հանդեպ հանդուրժող չեն»:
![Митинг у здания Правительства в Ереване против домашнего насилия Митинг у здания Правительства в Ереване против домашнего насилия - Sputnik Արմենիա](https://cdn.am.sputniknews.ru/img/119/75/1197509_0:0:1600:1065_600x0_80_0_0_b0ac2d2ca0173dc082ee98e5decd9380.jpg)
Երթի կազմակերպիչն «Ընդդեմ կանանց նկատմամբ բռնության» կոալիցիան էր, որը ներառում է 7 հասարակական կազմակերպություն։ Երթի մասնակիցները ճանապարհին հանդիպած կանանց թռուցիկներ էին բաժանում, որտեղ նշված էին թեժ գծի համարները, նաև ներկայացնում էին կանանց իրավունքները: