ԵՐԵՎԱՆ, 25 նոյեմբերի- Sputnik. ՀՀ Ազգային անվտանգության ծառայության և նույն ծառայության հակաահաբեկչական (Ալֆա) վարչության և Ոստիկանության կազմակերպված հանցավորության դեմ պայքարի գլխավոր վարչության աշխատակիցները նոյեմբերի 25-ին, իրացնելով ստացված օպերատիվ տեղեկությունները, Երևանում կանխել են լուրջ և մեծ հանցագործություն, հաղորդում է Sputnik Արմենիայի աղբյուրը:
ԱԱԾ աշխատակիցները զինված մի քանի անձանց վնասազերծել են Նորք Մարաշ վարչական շրջանի 9-րդ փողոցում։ Փողոցն այժմ ոստիկանության ծառայությունների կողմից գտնվում է ուժեղացված հսկողության տակ, իսկ նշված տան ներսում ԱԱԾ-ականները քննչական փորձարարություն են կատարում:
Խմբի անդամները զինված էին ժամանակակից զենք-զինամթերքով, պայթուցիկներով: Դեպքի վայր է ժամանել ՀՀ ոստիկանապետի առաջին տեղակալ Հունան Պողոսյանը: Խմբի անդամներից 3-ը կին է, 7-ը՝ տղամարդ, նրանց մեծ մասը օտարերկրացի է:
