ԵՐԵՎԱՆ, 24 նոյեմբերի- Sputnik. ԱՄՆ-ի պաշտպանության նախարարությունը պնդում է, որ թուրքական ինքնաթիռների օդաչուները հարձակումից առաջ ռուսական Սու-24-ի անձնակազմին նախազգուշացրել են, որ Թուրքիայի օդային տարածք են ներխուժում։
«Այո, ես կարող եմ հաստատել»,- ճեպազրույցի ընթացքում հայտարարել է Մերձավոր Արևելքում և Հյուսիսային Աֆրիկայում ԱՄՆ-ի կենտրոնական հրամանատարության (CENTCOM) ներկայացուցիչ Սթիվեն Ուորենը` պատասխանելով այն հարցին, թե արդյո՞ք ԱՄՆ-ի տվյալները հաստատում են Թուրքիայի հայտարարությունները։
Նոյեմբերի 14-ին Սիրիայում ռուսական Սու-24 ինքնաթիռ է կործանվել։ Ռուսաստանի նախագահ Վլադիմիր Պուտինը հայտնել է, որ ինքնաթիռը խոցվել է Սիրիայի օդային տարածքում թուրքական F-16 «օդ-օդ» տեսակի հրթիռի կողմից և ընկել Սիրիայում` Թուրքիայի սահմանից չորս կիլոմետր հեռավորության վրա։Ռուսաստանի նախագահը հայտարարել է, որ ահաբեկիչների հանցակիցները «հարվածել են թիկունքից»։
