ՌԴ պաշտպանության նախարարության նախնական տվյալով` Սիրիայի տարածքում կործանված ռուսական Սու-24 ռմբարկուի օդաչուները կարողացել են կատապուլտով դուրս նետվել ընկնող ինքնաթիռից։ Ներկա պահին նրանց ճակատագիրն անհայտ է։
Ռուսական Սու-24 ինքնաթիռը կործանվել է Սիրիայի Արաբական Հանրապետությունում։ Ենթադրվում է, որ այն գնդակոծել են ներքևից։ ՌԴ պաշտպանության նախարարության տվյալով` այդ պահին ռմբարկուն գտնվել է շուրջ 6 հազար մետր բարձրության վրա։
Ավելի վաղ ԶԼՄ-ները հայտնել էին, որ Սիրիայում կործանված ռազմական ինքնաթիռը խոցել են Թուրքիայի ՌՕՈՒ-ի F-16 կործանիչները երկրի օդային տարածքը խախտելու ժամանակ։
