ԵՐԵՎԱՆ, 24 նոյեմբերի- Sputnik. Հնարավոր է`Երկիրը շրջապատվի մուգ մատերիայի նրբագույն թելերից կազմված «մորուքով», որոնք մեր մոլորակի միջուկը կարող են պատել այն պահին, երբ Արեգակնային համակարգն անցնի այդ խորհրդավոր սուբստանցիայի կծիկներից մեկի միջով, հայտարարում է NASA-ի Ռեակտիվ շարժման լաբորատորիան։
«Արդեն 30 տարի է` մուգ մատերիան կարողանում խուսանավել բռնվելու բոլոր փորձերից։ Մեր հաշվարկները ցույց են տալիս, որ մատերիայի թելերի «արմատների» խտությունն այնքան կլինի, որ այն վերջապես կկարողանա հարմար տեղ գտնել»,- հայտարարել է NASA-ի Ռեակտիվ շարժման լաբորատորիայի աշխատակից Գերի Պրեզոն։
Պրեզոն պատմել է, որ մուգ մատերիայի թելերն անցնում են մեր ողջ գալակտիկայով և շարժվում են Տիեզերքի դատարկության մեջ։ Ընթացիկ տիեզերագիտական տեսությունները ցույց են տալիս, որ այդ թելերը հավասարաչափ բաշխված են եղել Ծիր Կաթինում։
Լաբորատորիայի աստղաֆիզիկոսներից մեկին հետաքրքրել է, թե ինչ տեղի կունենա, եթե Երկիրն անցնի նման մուգ մատերիայի կծիկի միջով։ Ինչպես նշում է գիտնականը, ընդհանուր առմամբ ոչ մի վատ բան չի պատահի. մուգ մատերիան գրեթե չի փոխգործակցում իր «տեսանելի» զարմիկի և լույսի հետ, և Երկրի բնակիչները չեն նկատի այդ իրադարձությունը։
Ինչպես ցույց են տալիս Պրեզոյի հաշվարկները, այդ իրադարձությունն իրականում աննկատ չի անցնի հենց մոլորակի համար. այն յուրահատուկ «մորուք» կդառնա Երկիր մոլորակի համար, և մատերիայի հիմքը կգտնվի Երկրի մակերեսից շուրջ մեկ միլիոն կիլոմետր հեռավորության վրա։
