ԵՐԵՎԱՆ, 24 նոյեմբերի — Sputnik. Ծովային ճանապարհով տարեսկզբից ավելի քան 850 հազար փախստական է մուտք գործել Եվրոպա, հայտնել է Միգրացիայի հարցերով զբաղվող միջազգային գործակալությունը:
Միգրացիայի հարցերով զբաղվող միջազգային գործակալության տվյալներով՝ տարեսկզբից 858 հազար 805 փախստական է հասել Եվրոպա: Ընդ որում Միջերկրական ծովում զոհվել կամ անհայտ կորել է 3548 մարդ:
Ամենաշատ թվով փախստականներ մուտք են գործել Հունաստան, նրանց թիվը կազմում է 743 հազար 893 մարդ: Սակայն նրանց հոսքը վերջին օրերին զգալիորեն կրճատվել է: Անցյալ հանգստյան օրերին հունական կղզիներ ժամանել է ընդամենը 155 մարդ։ Ընդ որում, Միգրացիայի հարցերով զբաղվող միջազգային գործակալության տվյալներով` Հունաստան է մեկնում օրական միջինը 4.5 հազար մարդ:
Փախստականներով զբաղվող ՄԱԿ-ի գործակալությունները դեռևս չեն կարողանում հասկանալ, թե որն է փախստականների հոսքի զգալի նվազման պատճառը:
Ծովային ճանապարհով տարեսկզբից ավելի քան 850 հազար փախստական է մուտք գործել Եվրոպա
© Sputnik / Сергей Строителев
/ Բաժանորդագրվել
Տարեսկզբից 858 հազար 805 փախստական Եվրոպա է հասել Միջերկրական ծովով, սակայն վերջին օրերին միգրացիոն հոսքը զգալիորեն կրճատվել է, հայտնում է Միգրացիայի հարցերով զբաղվող միջազգային գործակալությունը
