ԵՐԵՎԱՆ, 22 նոյեմբերի —Sputnik. Շախմատի Հայաստանի տղամարդկանց հավաքականը հաղթեց Եվրոպայի առաջնության վերջին փուլում և Եվրոպայի փոխչեմպիոն դարձավ:
Առաջնության վերջին փուլում Հայաստանի հավաքականը մրցում էր Վրաստանի հետ: Արոնյանը հաղթեց մրցակցին, իսկ Գաբրիել Սարգսյանն ու Հրանտ Մելքումյանը ոչ-ոքի խաղացին: Վերջինն իր պարտիան ավարտեց Սերգեյ Մովսիսյանը, և նա նույնպես հաղթեց:
Հայաստանի տղամարդկանց թիմը հավաքեց 13 միավոր և դարձավ Եվրոպայի առաջնության արծաթե մեդալակիր: Հայաստանի հավաքականը Հունգարիայի և Ֆրանսիայի թիմերին գերազանցեց լրացուցիչ միավորներով:
Շախմատի Եվրոպայի թիմային առաջնության չեմպիոն դարձավ Ռուսաստանի թիմը:
