ԵՐԵՎԱՆ, 21 նոյեմբերի- Sputnik. Կամերունի հյուսիսում մահապարտ ահաբեկչի կազմակերպած պայթյունի հետևանքով առնվազն 10 մարդ է մահացել, հայտնում է Սինհուա գործակալությունը՝ հղում անելով ռազմական աղբյուրներին:
Կամերունում, Նիգերում և Չադում իրականացվող ահաբեկչական գործողությունների մեծ մասի հեղինակը «Բոկո Հարամ» արմատական իսլամիստական խմբավորումն է: Ահաբեկիչներն իրենց գործողություններով պատասխանում են այն ռազմական արշավին, որն իրականացվում է նշված երկրներում և ուղղված է խմբավորման գրոհայինների ոչնչացմանը:
