ԵՐԵՎԱՆ, 21 նոյեմբերի — Sputnik. Հարահայտ բռնցքամարտիկ, գերմիջին քաշային կարգում WBO վարկածով աշխարհի չեմպիոն Արթուր Աբրահամի մենամարտը կայանալու է այսօր` նոյեմբերի 21-ին, Գերմանիայի Հանովեր քաղաքի «TUI Arena»-ում:
Աբրահամի մրցակիցը 33-ամյա բրիտանացի Մարտին Մուրայն է: Հայ բռնցքամարտիկի քաշը 76.2 կգ է, իսկ նրա մրցակցինը՝ 75.4 կգ:
Մենամարտը ցուցադրվելու է գերմանական SAT1 հեռուստաընկերության ուղիղ եթերում նոյեմբերի 21-ին: Հեռարձակումը կսկսվի Գերմանիայի ժամանակով 22:20-ին, կցուցադրվի նաև Հայաստանի հանրային հեռուստաընկերության ուղիղ եթերում, Հայաստանի ժամանակով` նոյեմբերի 21-ի լույս 22-ի գիշերը, սկիզբը՝ 01:20-ին:
