ԵՐԵՎԱՆ, 21 նոյեմբերի- Sputnik. «Իսլամական պետություն» խմբավորումը տեսանյութ է տարածել, որում ասվում է, որ Ֆրանսիային նոր ահաբեկչական գործողություններ են սպառնում, հաղորդում է Ռոյթերս գործակալությունը:
«Իսլամական պետության» կայքերում հայտնված տեսանյութի մասին տեղեկացրել է SITE կազմակերպութունը, որը զբաղվում է ահաբեկիչների ակտիվության մոնիտորինգով: Տեսանյութում ահաբեկիչները հայտարարում են, որ Փարիզում իրականացված հարձակումներով իրենք վրեժ են լուծել Սիրիայում «Իսլամական պետության» դիրքերին հասցրած ավիահարվածների համար: Նրանք սպառնում են, որ ահաբեկչական նոր գործողություններ կիրականացնեն:
Նոյեմբերի 13-ին Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:
«Իսլամական պետության» գրոհայինները տեսանյութ են տարածել
© Sputnik / Дмитрий Виноградов
/ Բաժանորդագրվել
Տեսանյութում ահաբեկիչները հայտարարում են, որ Փարիզում կատարված հարձակումները Սիրիայում «Իսլամական պետության» դիրքերին հասցրած ավիահարվածների պատասխանն են եղել
