ԵՐԵՎԱՆ, 21 նոյեմբերի- Sputnik. Սաուդյան Արաբիայում դատարանը պաղեստինցի բանաստեղծ Աշրաֆ Ֆայադին մահվան է դատապարտել իսլամից հրաժարվելու համար: Այդ մասին հաղորդում է Ռոյթերս գործակալությունը՝ հղում անելով Human Rights Watch իրավապաշտպան կազմակերպությանը, որը ներկայացրել է գործին առնչվող փաստաթղթերը:
Սաուդյան Արաբիայի ոստիկանությունը բանաստեղծին բերման էր ենթարկել 2013թ.-ին, ավելի ուշ նա նրան կալանավորել էին և 2014թ.-ի սկզբին՝ դատապարտել: Դատարանը որոշել էր Ֆայադին ազատազրկել չորս տարով և մտրակի 800 հարված հասցնել, սակայն գործը վերանայելուց հետո մեկ այլ դատավոր բանաստեղծին երեք օր առաջ մահվան է դատապարտել, հայտնել է Human Rights Watch-ի ներկայացուցիչ Ադամ Կուգլը:
Ֆայադին մեղադրանք է ներկայացվել վկայի ցուցմունքների հիման վրա, որոնց համաձայն, պոետն իբր անիծել է ալլահին, Մուհամմեդ մարգարեին, Սաուդյան Արաբիային և այն բանաստեղծական ժողովածուն, որը հենց ինքն է գրել:
Սաուդյան Արաբիայի արդարադատության նախարարությունը կամ իշխանության այլ ներկայացուցիչները դեռ չեն մեկնաբանել այս լուրը:
