ԵՐԵՎԱՆ, 21 նոյեմբերի- Sputnik. Facebook-ի հիմնադիր և գլխավոր տնօրեն Մարկ Ցուկերբերգը սոցցանցի իր պաշտոնական էջում գրել է, որ աղջկա ծնվելուց հետո երկու ամսով արձակուրդ է վերցնելու:
«Սա խիստ անձնական որոշում է, և ես որոշել եմ, որ երբ աղջիկս ծնվի, երեխային խնամելու համար ես երկու ամսով արձակուրդ կվերցնեմ»,- գրել է Ցուկերբերգը:
Ռոյթերս գործակալության տվյալով՝ Facebook ընկերությունն այս կապակցությամբ հայտարարություն դեռ չի արել:
Հիշեցնենք, որ հուլիսի վերջին Ցուկերբերգն իր ֆեյսբուքյան էջում հայտնել էր, որ ինքն ու կինը աղջիկ են ունենալու:
