ԵՐԵՎԱՆ, 20 նոյեմբերի– Sputnik. Հանրապետական կուսակցությունից ԱՄՆ նախագահի թեկնածու Բեն Քարսոնը Սիրիայում բռնությունից փրկվող փախստականներին համեմատել է «կատաղած շների» հետ` նշելով, որ նրանց մուտքն ԱՄՆ սպառնալիք է ամերիկացիների համար, հաղորդում է Ռոյթերս գործակալությունը։
Քարսոնն այդ հայտարարությունն արել է հինգշաբթի Ալաբամա նահանգի Մոբիլ քաղաքում նախընտրական քարոզարշավի ընթացքում։
«Եթե ձեր շրջանում կատաղած շուն է վազում, դուք, ամենայն հավականությամբ, այդ շանը լավը չեք համարի»,– ասել է Քարսոնը, ով հասարակական կարծիքի որոշ հարցումների համաձայն` նախընտրական քարոզարշավի ֆավորիտներից է։
«Մեզ անհրաժեշտ են ստուգման մեխանիզմներ, որոնք կարող են թույլ տալ սահմանել, թե հատկապես ով է կատաղած շունը»,– հավելել է նա։
Քարսոնը քննադատության է ենթարկել Բարաք Օբամայի պլանը` տարվա ընթացքում 10 հազար սիրիացի փախստական ընդունելու մասին։
ԱՄՆ–ում վերջին օրերին բանավեճեր են ծավալվել այն մասին, թե պե՞տք է արդյոք ընդունել սիրիացի փախստականների` կապված ահաբեկչության ենթադրյալ սպառնալիքի հետ։ Ավելի վաղ Փարիզում ահաբեկչությունների մասնակիցներից մեկի մարմնի մոտ գտել են սիրիական անձնագիր` Սիրիայի և Սերբիայի նշումներով։
ԱՄՆ–ի նախագահի թեկնածուն Սիրիայի փախստականներին համեմատել է «կատաղած շների» հետ
12:20 20.11.2015 (Թարմացված է: 12:23 20.11.2015)
© Sputnik / Михаил Воскресенский
/ Բաժանորդագրվել
Բեն Քարսոնը քննադատության է ենթարկել երկրի գործող նախագահ Բարաք Օբամայի որոշումը` տարվա ընթացքում 10 հազար սիրիացի փախստականներ ընդունելու մասին` նշելով, որ դրա համար պետք են հսկողության անհրաժեշտ մեխանիզմներ «կատաղած շներին» մաղելու համար
