ԵՐԵՎԱՆ, 20 նոյեմբերի– Sputnik. Փարիզում ահաբեկչական գործողություններ իրականացրած յոթ ահաբեկիչներից չորսը եղել են ԱՄՆ հատուկ ծառայությունների տվյալների բազայում, հաղորդել է Ռոյթերս գործակալությունը` հղում անելով ամերիկյան վարչակազմի հինգ անանուն աղբյուրներին։
Նոյեմբերի 13–ին յոթ ահաբեկիչները Փարիզում ահաբեկչական գործողությունների ընթացքում սպանել են 129 մարդու, ավելի քան 300 մարդ վիրավորվել է։ Յոթ ահաբեկիչներից վեցը պայթեցրել են իրենց պայթուցիկով գոտիներով։
Ինչպես հաղորդվում է, ահաբեկչական գործողությունների մասնակիցներից չորսը եղել են TIDE–ի գաղտնի ցուցակում, որը կազմում է ԱՄՆ Ազգային հակաահաբեկչական կենտրոնը։ Այդ ցուցակում կա 1,1 միլին անուն, որոնցից 25 հազարը` ԱՄՆ բնակիչ։ Սակայն ահաբեկիչներից որևէ մեկն ԱՄՆ–ի հետ կապված չի եղել, պարզաբանում է գործակալությունը։
Բացի այդ, «Փարիզի ահաբեկիչներից» առնվազն մեկը ներառված է ՀԴԲ ահաբեկիչներին հետևելու նեղ ցուցակում և առանձին ցուցակներում, որոնք կոչված են թույլ չտալ ծայրահեղականության մեծ կասկածվող անձանց օգտվել ավիաչվերթերից։ Գործակալության աղբյուրները չեն նշել ցուցակներում առկա ահաբեկիչների անունները։
«Փարիզի ահաբեկիչներից» չորսը հայտնի էին ԱՄՆ հատուկ ծառայություններին
© Sputnik / Галина Азуле
/ Բաժանորդագրվել
Փարիզում հարձակումների շարք իրականացրած գրոհայինները ներառված են եղել TIDE–ի գաղտնի ցուցակում։ ԱՄՆ Ազգային հակաահաբեկչական կենտրոնի փաստաթղթում կա 1,1 միլիոն անուն, նրանցից 25 հազարը Միացյալ նահանգների բնակիչ է։
