ԵՐԵՎԱՆ, 17 նոյեմբերի — Sputnik. Սինայի տարածքում տեղի ունեցած А321 օդանավի աղետը, որի ժամանակ զոհվել է 220 մարդ, ահաբեկչություն է եղել, հայտնել է ՌԴ ԱԴԾ ղեկավար Ալեքսանդր Բորտնիկովը:
Ռուսական և խորհրդային ավիացիայի պատմության մեջ խոշորագույն ավիավթարը տեղի է ունեցել հոկտեմբերի 31-ին։ «Կոգալիմավիա» ավիաընկերության` Շարմ էլ Շեյխ – Սանկտ Պետերբուրգ 9268 թռիչքն իրականացնող Airbus-321 օդանավը կործանվել էր Սինայի թերակղզու տարածքում: Ինքնաթիռում եղել է 224 ուղևոր և անձնակազմի 7 անդամ: Բոլորը զոհվել են։
«Միանշանակ կարելի է ասել, որ սա ահաբեկչություն է», — ասել է Բորտնիկովը Կրեմլում ռուսական ինքնաթիռի վթարի պատճառների հետաքննության արդյունքների մասին ՌԴ նախագահ Վլադիմիր Պուտինի նախագահությամբ ընթացող խորհրդակցության ժամանակ:
ԱԴԾ-ն Սինայում տեղի ունեցած А321 աղետը ահաբեկչություն է որակել
© RIA Novosti / Максим Григорьев
Բաժանորդագրվել
Սինայի մոտակայքում ավիավթարի ենթարկված A321 օդանավի սրահում պայթուցիկ սարք է եղել, որի հետևանքով տեղի է ունեցել վթարը, ՌԴ նախագահ Վլադիմիր Պուտինի հետ հանդիպման ժամանակ հայտնել է ԱԴԾ ղեկավար Ալեքսանդր Բորտնիկովը
