Բելգիայի ոստիկանությունը հատուկ գործողություն է իրականցրել ֆրանսիայի իշխանությունների կողմից հետախուզվող և Փարիզի ահաբեկչությանը մասնակից կասկածյալին որոնելու համար: Ուժայինները զննության ընթացքում շղթայել են փախստականների Մոլենբեկ շրջանի մի հատվածը
Փարիզի ահաբեկչության մեջ կասկածվող անձանց որոնման աշխատանքներն արդյունք չեն տվել: Այդ մասին նոյեմբերի 16-ին հայտնել է Բելգիայի դաշնային դատախազությունը:
Ավելի վաղ տեղական հեռուստաալիքները հակասական տեղեկություններ էին հայտնում: Սկզբում մի շարք աղբյուրներ հայտնել էին, որ ձերբակալվել է Ֆրանսիայի իշխանության կողմից հետապնդվող կասկածյալ Սալահ Աբդեսլամը, սակայն ավելի ուշ այդ տեղեկությունը հերքվեց:
Ուրբաթ երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 130 մարդ է մահացել:
Ոստիկանությունը ենթադրվող ահաբեկչի գտնելու համար արգելափակել է Բրյուսելի փողոցը
© Ruptly
Բաժանորդագրվել
