ԵՐԵՎԱՆ, 17 նոյեմբերի – Sputnik. Ռազմավիրական ճանապարհին` Հյուսիսային Օսիայի անցակետում, ավելի քան 80 բեռնատար է կուտակվել երթևեկության արգելքի պատճառով` կապված ձյան առատ տեղումների հետ, հաղորդում է Sputnik Գրուզիան` հղում անելով ԱԻՆ Հյուսիսային Օսիայի գլխավոր վարչությանը։
Ձյան առատ տեղումների պատճառով կիրակի ժամը 20։00-ից մաքսակետում արգելվել է Վլադիկավկազ — Լարս ճանապարհահատվածով բեռնատար մեքենաների տարանցիկ երթևեկությունը՝ մինչև հատուկ կարգադրությունը:
«Երկուշաբթի ժամը 20։00-ի դրությամբ անցակետում կա 85 բեռնատար և 96 մարդ»,- ասված է հաղորդագրությունում։
Սահմանին մարդկանց համար սպասելու և տաքանալու կետեր են բացվել։
