ԵՐԵՎԱՆ, 16 նոյեմբերի – Sputnik. Թուրքիայի Անթալիա քաղաքում երեք կատուներ լիցքաթափել են G20 գագաթնաժողովի աշխատանքային մթնոլորտը։
Հերթական միջոցառման մեկնարկին սպասող լրագրողները ուշադրություն դարձրեցին երեք կատուների, որոնք շրջում էին բեմում` գագաթնաժողովի խորհրդանիշով մեծ պաստառի և մասնակից երկրների «քսանյակի» դրոշների
մոտ։
Այն բանից հետո, երբ լրագրողներից մեկը Twitter–ի իր էջում կատուների տեսանյութը հրապարակեց, օգտատերերը մեկնաբանություններում սկսեցին մրցել իրենց սրամիտ գրառումներով
«Կատուները հետին պլան մղեցին Բարաք Օբամային և Վլադիմիր Պուտինին»։ «Ափսոս, որ գագաթնաժողովն անցկացվում է ոչ ԿԱՏՈՒստանդնուպոլսում»։
«Քսանյակի խումբը» (G20) համագործակցության գլոբալ հարցերը քննարկելու համար նախատեսված ֆորումն է։ G20–ը միավորում է աշխարհի խոշորագույն զարգացած և զարգացող տնտեսությունները, որոնց բաժին է ընկնում համաշխարհային ՀՆԱ–ի շուրջ 85%–ը։ 2013 թվականին G20–ի նախագահությունը ստանձնել էր Ռուսաստանը, 2014 թվականին նրան փոխարինել է Ավստրալիան, իսկ 2015 թվականին այդ գործառույթն անցել է Թուրքիային։
Այս օրերին ընթացող գագաթնաժողովի ընթացքում առաջնորդները հիմնականում կքննարկեն համաշխարհային տնտեսությանը, կայուն աճին ու զարգացմանը, կլիմայի փոփոխության դեմ պայքարին, ինչպես նաև ներդրումներին, առևտրին և էներգետիկային վերաբերող հարցեր։
