ԵՐԵՎԱՆ, 16 նոյեմբերի – Sputnik. ՀՀ ԱԳՆ–ն ստուգում է Փարիզում ահաբեկչությունից հետո կորած Ֆրանսիայի քաղաքացի 17-ամյա հայուհու տվյալները, ՌԻԱ Նովոստիին երկուշաբթի հայտնել է ԱԳՆ մամուլի քարտուղար Տիգրան Բալայանը։
ԶԼՄ–ների տվյալներով` 17-ամյա փարիզաբնակ Լոլա Ուզունյանին հարազատները փնտրում են արդեն 4 օրը, սակայն` անարդյունք։ Ոստիկանությունն առաջարկել է Ուզունյաների ընտանիքին սպասել մինչև երկուշաբթի, երբ վերջնականապես կպարզվեն ահաբեկչությունից տուժած անձանց ցուցակները։
Լոլա Ուզունյանը նոյեմբերի 13-ին հոր հետ գնացել էր Eagles of Death Metal խմբի համերգին: Ահաբեկիչները գրոհել են «Բատակլան» համերգասրահ, որտեղ տեղի էր ունենում համերգը, պատանդ վերցրել սրահում գտնվողներին: Ավելի քան 100 մարդ է սպանվել ահաբեկչության ժամանակ, կան բազմաթիվ վիրավորներ և անհետ կորածներ: Լոլա Ուզունյանի հայրը խառնաշփոթի ժամանակ կորցրել է դստերը, մեկ օր հետո հայրը տուն է հասել, իսկ Լոլայից մինչև հիմա տեղեկություններ չկան: Լոլա Ուզունյանը ընկերների մոտ չի ապաստանել:
Ուրբաթ երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա — Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:
ՀՀ ԱԳՆ-ն ստուգում է Փարիզում կորած հայուհու տվյալները
18:47 16.11.2015 (Թարմացված է: 19:07 16.11.2015)
© Sputnik / Валерий Мельников
/ Բաժանորդագրվել
Փարիզաբնակ հայուհի Լոլա Ուզունյանի հարազատներն արդեն չորրորդ օրն անօգուտ փնտրում են աղջկան։ Նա այն մարդկանցից է, ով նոյեմբերի 13-ին ներկա էր ահաբեկիչների գրոհած «Բատակլան» ակումբի համերգին
