ԵՐԵՎԱՆ, 16 նոյեմբերի – Sputnik. Տոմսկի 22-ամյա բնակիչը տարօրինակ ամուսնություն է ունեցել և հարսանեկան լուսանկարների ֆոտոշարք արել իր և իր ընտրյալի համար։ Պիցցայի հետ ամուսնանալու գաղափարը, ամենաերիտասարդ մարդու վկայությամբ, իր մոտ ծագել է այն բանից հետո, երբ նա հասկացել է, որ հոգնել է միայնությունից և կյանքի մշտական ուղեկցի բացակայությունից, գրում է «Նովոստի վ Տոմսկե» պորտալը։
«Մի պահ ես գիտակցեցի, որ իմ ընկերների մի մասը բողոքում է ամուսնական կյանքից, երկրորդը` դրա բացակայությունից։ Մարդկանց միջև եղած սերը բարդ և անկանխատեսելի երևույթ է, իսկ սերը դեպի սնունդը հավերժ է։ Պիցցան չի դավաճանի և չի մերժի, իսկ ես նրան իսկապես անկեղծ սիրում եմ», – հայտնել է հերոսը։
Տարօրինակ զույգին սակայն ՔԿԱԳ չեն թողել, և օրինական կերպով նրանց հարաբերություններն ամրապնդել չի հաջողվել։ Օգնության է հասել MakeLovePizza արտադրող ընկերությունը, որի ստեղծագործությունն էլ հենց դարձել է երիտասարդի ընտրյալը։
«Երբ մենք իմացանք, որ երիտասարդն իր կյանքն ուզում է կապել հենց մեր պիցցայի հետ, մենք ցնծության մեջ էինք և ուրախությամբ համաձայնեցինք անցկացնել հարսանեկան արարողությունը։ Սա իսկական սեր է», – հայտնել են գոհ աշխատակիցները։
Մենդելսոնի վալսը լսելուց և ամուսնության վկայականը ստանալուց հետո նորաթուխ «ամուսինները» գնացին ռոմանտիկ զբոսանքի լուսանկարչի ուղեկցությամբ։ Վերադառնալով MakeLovePizza գրասենյակ` «երիտասարդները» զարմանքով հայտնաբերեցին, որ փողոցում նրանց սպասում էր սիրահարների համար նախատեսված իսկական կրակե շոու` «Գիշերվա գույնը» խմբի կողմից։
