ԵՐԵՎԱՆ, 16 նոյեմբերի- Sputnik. Անցած շաբաթ Փարիզը ցնցած ահաբեկչական գործողությունները կազմակերպվել և ծրագրվել են Սիրիայի տարածքում, երկուշաբթի հայտարարել է Ֆրանսիայի վարչապետ Մանուել Վալսը։
«Այդ հարձակումը կազմակերպվել, մտածվել և ծրագրվել է Սիրիայի տարածքում»,- ասել է Վալսը RTL ռադիոկայանի եթերում։
Ուրբաթ երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:
