ԵՐԵՎԱՆ, 16 նոյեմբերի– Sputnik. Facebook-ի հիմնադիր և գլխավոր տնօրեն Մարկ Ցուկերբերգը բացատրել է, թե ինչու է սոցիալական ցանցը «անվտանգության ստուգում» նոր գործառույթը գործարկել ոչ թե Բեյրութի պայթյուններից, այլ Փարիզում տեղի ունեցած ահաբեկչական գործողություններից հետո ։
Նոր գործառույթը Facebook–ի օգտատերերին հաղորդում է, որ իրենք անվտանգության մեջ են և չեն տուժել։
«Շատ մարդիկ հարցնում են, թե ինչու ենք մենք «անվտանգության ստուգումը» միացրել Փարիզի համար, իսկ Բեյրութում ու այլ վայրերում տեղի ունեցած պայթյունների համար չենք կիրառել»,– գրել է Ցուկերբերգը Facebook-ի իր էջում` բացատրելով, որ այդ գործառույթը մշակվել է միայն բնական աղետների համար, իսկ «հիմա այն հարմարեցնում են նաեւ մարդկային աղետներին»։
«Շնորհակալություն բոլոր նրանց, ովքեր դիմում են այդ կապակցությամբ։ Դուք ճիշտ եք, որ աշխարհում կան շատ այլ կարևոր հակամարտություններ։ Մենք բոլոր մարդկանց մասին հոգ ենք տանում նույնկերպ և աշխատելու ենք, որպեսզի հնարավորինս օգնենք տարբեր իրավիճակներում հայտնված մարդկանց»,– գրել է Ցուկերբերգը։
Ուրբաթ երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:
Նոյեմբերի 12-ին երկու մահապարտ ահաբեկիչ գործի էին դրել իրենց գոտիների վրա ամրացված պայթուցիկ սարքերը: 7 րոպե տարբերությամբ մի քանի պայթյուն էր որոտացել: Երկրորդ պայթյունը հնչել էր այն պահին, երբ քաղաքացիները սկսել էին օգնել առաջին պայթյունից տուժած անձանց: Ահաբեկչության վայրում ևս մեկ մահապարտի մարմին էր հայտնաբերվել: Երրորդ պայթուցիկ սարքը չէր գործել: Ավելի ուշ ձերբակալվել էր նաև չորրորդ ահաբեկիչը, որը փորձել էր փախչել դեպքի վայրից:
Ցուկերբերգը բացատրել է, թե ինչու է Facebook–ն «անվտանգության ստուգում» ներմուծել
12:19 16.11.2015 (Թարմացված է: 12:30 16.11.2015)
© Sputnik / Владимир Астапкович
/ Բաժանորդագրվել
Ուրբաթ երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ
