ԵՐԵՎԱՆ, 15 նոյեմբերի — Sputnik. Ոստիկանությունը Փարիզում հայտնաբերել է այն ավտոմեքենան, որը գրոհայիններն օգտագործել են Փարիզում ահաբեկչություն իրականացնելու համար, հայտնում է ՌԻԱ Նովոստին` հղում անելով Ֆրանս Պրեսս գործակալությանը:
Ավտոմեքենան հայտնաբերվել է Փարիզի արևելքում, հայտնում է դատախազության աղբյուրը:
Ուրբաթ երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 130 մարդ է մահացել:
Փարիզում հայտնաբերել են ահաբեկիչների ավտոմեքենան
21:12 15.11.2015 (Թարմացված է: 22:03 15.11.2015)
© REUTERS / Christian Hartmann
Բաժանորդագրվել
Փարիզի արևելքում հայտնաբերվել է այն ավտոմեքենան, որը գրոհայիններն օգտագործել են ահաբեկչություն իրականացնելու համար
