ԵՐԵՎԱՆ, 15 նոյեմբերի – Sputnik. Նոյեմբերի 15-ին ավտովթար է տեղի ունեցել Երևանի Հալաբյան փողոցում:
Ժամը 16:10-ի սահմաններում Հալաբյան փողոցում թիվ 26 շենքի դիմաց բախվել են Երևանի բնակիչներ 58-ամյա Թաթոս Մնացականյանի վարած մարդատար «Գազել» մակնիշի և 43-ամյա Արսեն Հակոբյանի վարած մարդատար «Գազել» մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով միկրոավտոբուսների ուղևորները օպերատիվորեն վթարի վայր ժամանած շտապօգնության ավտոմեքենաներով տեղափոխվել են «Արմենիա» բժշկական կենտրոն:
Նախապես հաղորդվում էր 8 վիրավորի մասին, սակայն ստուգված տվյալներով՝ նրանց թիվը 5-է, մեկը՝ 12-ամյա երեխա: Բոլոր վիրավորներն ամբուլատոր բուժօգնություն ստանալուց հետո դուրս են գրվել:
Երևանում բախվել են մարդատար միկրոավտոբուսները. վիրավորներից մեկը երեխա է
20:21 15.11.2015 (Թարմացված է: 20:28 15.11.2015)
© Sputnik / Юрий Лашов
/ Բաժանորդագրվել
Ուղևորները տեղափոխվել են «Արմենիա» բժշկական կենտրոն
