ԵՐԵՎԱՆ, 15 նոյեմբերի — Sputnik. Լիբանանյան անվտանգության ծառայությունը ձերբակալել է Բեյրութի հարավային արվարձանում վերջերս տեղի ունեցած ահաբեկչության կազմակերպիչներին և հանցակիցներին, Բեյրութում մամուլի ասուլիսի ժամանակ հայտնել է երկրի ներքին գործերի նախարար Նուհադ Մաշնուկը:
«Ձերբակալել են Սիրիայի 7 քաղաքացու և երկու լիբանանցու, որոնցից մեկը մահապարտ է: Տեղեկություն կա նաև ևս 5 մահապարտի վերաբերյալ», — ասել է նախարարը:
Նրա խոսքով` այն բնակարաններում, որտեղ ապրել են ձերբակալվածները, մահապարտների գոտիներ են հայտնաբերվել:
Մաշնուկը նշել է, որ նրանք, ովքեր ուղարկել էին մահապարտներին, պատրաստվում էին մեկից ավելի ահաբեկչություն իրականացնել:
«Լիբանանն այժմ ահաբեկչության հետ ուղիղ առճակատման փուլում է գտնվում», — հայտարարել է նախարարը:
Նոյեմբերի 12-ին երկու մահապարտ ահաբեկիչ գործի էին դրել իրենց գոտիների վրա ամրացված պայթուցիկ սարքերը: 7 րոպե տարբերությամբ մի քանի պայթյուն էր որոտացել: Երկրորդ պայթյունը հնչել էր այն պահին, երբ քաղաքացիները սկսել էին օգնել առաջին պայթյունից տուժած անձանց: Ահաբեկչության վայրում ևս մեկ մահապարտի մարմին էր հայտնաբերվել: Երրորդ պայթուցիկ սարքը չէր գործել: Ավելի ուշ ձերբակալվել էր նաև չորրորդ ահաբեկիչը, որը փորձել էր փախչել դեպքի վայրից:
Լիբանանի ՆԳՆ ղեկավար. Բեյրութի ահաբեկչության կազմակերպիչները ձերբակալված են
![Развалины домов в Бейруте Развалины домов в Бейруте - Sputnik Արմենիա](https://cdn.am.sputniknews.ru/img/110/45/1104572_0:641:1350:1405_600x0_80_0_0_0cf8da24c56373b59b163749425b1a2f.jpg)
© Sputnik / Арас Ахундов
/ Բաժանորդագրվել
Բեյրութի հարավային արվարձանում ձերբակալել են Սիրիայի յոթ քաղաքացու և երկու լիբանանցու: Նրանց բնակարանում մահապարտների պայթուցիկ գոտիներ են հայտնաբերվել