ԵՐԵՎԱՆ, 14 նոյեմբերի – Sputnik. Այն, որ Ֆրանսիայի նախագահ Ֆրանսուա Օլանդը Փարիզում տեղի ունեցած ահաբեկչություններից հետո որոշել է վերականգնել սահմանային հսկողությունը, չի նշանակում, որ սահմանները փակվել են, Sputnik գործակալությանն է հայտնել Ֆրանսիայի ԱԳՆ–ի պաշտոնական ներկայացուցիչ Ռոմեն Նադալը:
«Սահմանների փակումը բառացի չի նշանակում, թե սահմանները կփակվեն, և ոչ ոք չի կարողանա սահմանը հատել: Ոստիկաններն ու զինվորականները կվերահսկեն սահմանը»,- ասել է Նադալը:
Նա նշել է՝ ովքեր շենգենյան վիզա ունեն, առաջվա պես կարող են անցնել Ֆրանսիայի սահմանը, որևէ մեկը նրանցից այդ իրավունքը չի խլի: «Շենգենի սահմաններում հիմնականում կարելի է ճանապարհորդել նաև առանց կանգառների, իսկ հիմա մենք կվերականգնենք հսկողությունը: Նշանակում է, որ եթե մարդիկ Բելգիայից Ֆրանսիա մեկնեն, ապա սահմանը հատելիս նրանց կստուգեն»,- ասել է ԱԳՆ-ի ներկայացուցիչը:
«Ինքնաթիռները շարունակում են թռիչքները, ֆրանսիական օդանավակայանները բաց են»,- ավելացրել է նա:
Ուրբաթ երեկոյան Փարիզում միանգամից մի քանի ահաբեկչական գործողություն է իրականացվել: Անհայտ անձինք կրակ են բացել Ֆրանսիայի մայրաքաղաքի 10-րդ շրջանի ռեստորաններից մեկի ուղությամբ, երեք պայթյուն էլ որոտացել է «Սթադ դը Ֆրանս» մարզադաշտի մոտ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսու Օլանդը: Պայթյուն է գրանցվել նաև «Բատակլան» թատրոնում, որտեղ անհայտ անձինք գերի էին վերցրել տասնյակ մարդկանց: Շաբաթ օրը Օլանդը հայտարարել է, որ ահաբեկչական գործողությունների հետևանքով 127 մարդ է մահացել:
Ֆրանսիայի ԱԳՆ. Սահմանային հսկողությունը սահմանի փակում չի նշանակում
© REUTERS / Christian Hartmann
Բաժանորդագրվել
Սահմանները կվերահսկեն ոստիկաններն ու զինվորականները, հստակեցրել է Ֆրանսիայի ԱԳՆ-ի պաշտոնական ներկայացուցիչ Ռոմեն Նադալը
