ԵՐԵՎԱՆ, 14 հոկտեմբերի – Sputnik. Ուրբաթ երեկոյան Փարիզում միանգամից մի քանի ահաբեկչական գործողություն է իրականացվել: Sputnik Արմենիան ներկայացնում է ականատեսներից մեկի կարծիքը:
Բենջամին Մարտինը պատմում է. «Երեկ երեկոյան ես տանն էի և շատ պարզ լսեցի պայթյունի ձայները, մտածեցի, թե պատերազմ է սկսվել: Հիմա իմ պատուհանի տակ ոչինչ չկա, ամբողջ քաղաքը դատարկ է, ես էլ չեմ կարող դուրս գալ. թույլ չեն տալիս:
Մտածում եմ, որ 1914, 1918, 1939 1945 թթ.-ին Ֆրանսիայի ժողովուրդը պայքարում էր երկրի ազատության համար, իսկ այսօր … Այն ինչ պատահեց երեկ, սարսափելի էր: Սպանել մարդկանց, ովքեր ոչինչ չէին արել… Կարծում եմ, որ նորից փողոց դուրս կգանք մահացածներին վերջին հրաժեշտ տալու: Շատ եմ ցավում: Եթե պատերազմ լիներ, կգնայի կռվելու, իսկ հիմա չգիտեմ ինչ անել: Երեկ ես ուրախ էի, որ Ֆրանսիայում եմ ապրում, իսկ այսօր վախենում եմ»:
Հոկտեմբերի 13- ի երեկոյան Փարիզում անհայտ անձինք կրակ են բացել մայրաքաղաքի 10-րդ շրջանի ռեստորաններից մեկի ուղությամբ, երեք պայթյուն էլ որոտացել է «Սթադ դը Ֆրանս» մարզադաշտի մոտ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն է գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց:
Ականատես. Երեկ ես ուրախ էի, որ Ֆրանսիայում եմ ապրում, իսկ այսօր վախենում եմ
14:36 14.11.2015 (Թարմացված է: 07:23 15.11.2015)
© Личная страница в ФБ
Բաժանորդագրվել
Ուրբաթ երեկոյան Փարիզում միանգամից մի քանի ահաբեկչական գործողություն է իրականացվել
