Ոստիկաններն ու քրեագետ–փորձագետներն աշխատում են Բեյրութի հարավում կրկնակի ահաբեկության վայրում։ Երկու պայթյուն է որոտացել հինգշաբթի երեկոյան Լիբանանի մայրաքաղաքում, որի հետևանքով զոհվել է 43 մարդ։
Նախօրեին Բեյրութի հարավային արվարձանի շրջաններից մեկի բանուկ փողոցում մահապարտները երկու ահաբեկություն են իրականացրել։ Երկու ահաբեկիչներ յոթ րոպեի տարբերությամբ պայթեցրել են իրենց Բեյրութի հարավային արվարձան Բուրջ ալ Բարաժնե շրջանի բանուկ փողոցում։ Երկրորդ պայթյունը որոտացել է այն պահին, երբ քաղաքացիները սկսել են օգնել պայթյունից տուժածներին։
Ռոյթերս գործակալությունը, հղում անելով Լիբանանի առողջապահության նախարարությանը, հայտնում է, որ պայթյունի զոհ է դարձել 43 մարդ, 240-ը վնասվածքներ են ստացել։
«Ալ Մայադին» լիբանանյան հեռուստաալիքը հայտնում է, որ պայթյունների պատասխանատվությունը ստանձնել է «Իսլամական պետություն» ծայրահեղական խմբավորումը:
Պայթյունները դատապարտել են խոշոր քաղաքական կուսակցությունների ղեկավարները և երկրի ղեկավարությունը, ինչպես նաև ՄԱԿ–ի գլխավոր քարտուղարը։ Լիբանանի վարչապետ Թամմամ Սալամը ողբերգության հետ կապված` ուրբաթ սգո օր է հայտարարել։
Քրեագետ–փորձագետները լուսանկարում են Բեյրութի կրկնակի ահաբեկության վայրը
20:16 13.11.2015 (Թարմացված է: 20:20 13.11.2015)
Բաժանորդագրվել
