ԵՐԵՎԱՆ, 13 նոյեմբերի – Sputnik. «Աերոֆլոտի» ցածր գներով աշխատող դուստր «Պոբեդա» ավիաընկերությունը միջազգային չվերթերի ժամանակ իր հաճախորդներին կառաջարկի վճարել Duty Free–ից գնված ապրանքով փաթեթի համար, նշված է ավիափոխադրողի հաղորդագրության մեջ։
Ավելի վաղ հայտնի էր դարձել, որ ավիաընկերությունը դեկտեմբերի 19-ից չվերթեր կիրականացնի Մոսկվայից դեպի Բրատիսլավա և Վիեննա։ Ներկա պահին ավիաընկերության բոլոր ուղևորներն իրավունք ունեն ինքնաթիռի բեռնախցիկում անվճար փոխադրել մինչև 10 կգ ուղեբեռ։
«Հաշվի առնելով Duty Free–ից առևտուր անելու` ուղևորների հետաքրքրվածությունը` «Պոբեդա» ավիաընկերությունը հատուկ սակագին է առաջարկում Duty Free–ից գնված ապրանքով փաթեթի համար։ ՌԴ–ից թռիչքների դեպքում առաջարկվում է վճարել 700 ռուբլի, մյուս օդանավակայաններից` 10 եվրո», – նշված է ավիաընկերության հաղորդագրության մեջ։
Բացի այդ, ուղևորները կարող են ինքնաթիռի սրահ անվճար տանել այն իրերը, որոնք նշված են դաշնային ավիացիոն կանոնների ցուցակում, այդ թվում` տղամարդու և կանացի պայուսակներ, հագուստ` ճամփորդական պայուսակում, մանկասայլակ։
