Հակառակորդի արձակած կրակոցներից Ղարաբաղում երկու զինծառայող է մահացել

ԵՐԵՎԱՆ, 13 նոյեմբերի– Sputnik.  Լեռնային Ղարաբաղի Հանրապետության պաշտպանության բանակը հայտնում է, որ Ադրբեջանի արձակած կրակոցներից Ղարաբաղում  երկու զինծառայող է մահացել։

Նոյեմբերի 12-ին` ժամը 21:00-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետում, հակառակորդի կողմից արձակված կրակոցներից, մահացու հրազենային վիրավորում են ստացել զինծառայողներ Վահե Վարդգեսի Վանոյանը (ծնվ. 1995թ.) և Միքայել Առաքելի Թորոսյանը (ծնվ. 1996թ.):

Դեպքի մանրամասները պարզելու համար կատարվում է քննություն։

Ղարաբաղյան հակամարտությունը սկսվել է 1988թ.–ի փետրվարին, երբ Լեռնային Ղարաբաղի ինքնավար մարզը հայտարարեց Ադրբեջանական ԽՍՀ կազմից դուրս գալու մասին։ 1991թ.–ի սեպտեմբերին ԼՂԻՄ կենտրոնում` Ստեփանակերտում, հայտարարվեց Լեռնային Ղարաբաղի Հանրապետություն ստեղծելու մասին։ Դրան հաջորդած ռազմական հակամարտության ընթացքում Ադրբեջանը կորցրեց հսկողությունը Լեռնային Ղարաբաղի նկատմամբ։

1992թ.–ից հակամարտության խաղաղ կարգավորման բանակցություններն անցկացվում են ԵԱՀԿ Մինսկի խմբի շրջանակում, որի համանախագահներն են Ռուսաստանը, Ֆրանսիան և ԱՄՆ–ն։