ԵՐԵՎԱՆ, 13 նոյեմբերի– Sputnik. 2013թ.–ին Ռուսաստանի նախագահը ստիպեց ԱՄՆ–ին հրաժարվել Սիրիայում Ասադի դեմ գործողություն իրկանացնելուց, իսկ կամ 2014թ.–ը նշանավորվեց Ղրիմը միացնելու գործողություններով։ Այս ամենից հետո ակնհայտ դարձավ, որ «ԶԼՄ–ների և PR–ի աշխարհում Վլադիմիր Պուտինի խարիզմատիկ կերպարը հավասարը չունի», The Observer հոդվածում գրել է ամերիկյան խոշորագույն PR գործակալություններից մեկի տնօրեն Ռոն Թորոսյանը։
ԱՄՆ–ն այսօր վատ է նախապատրաստված նախկին ԽՍՀՄ–ի հետ դիմակայությանը, նշում է Թորոսյանը։ Նրա խոսքով` մաքիավելիական հանճարը շախմատային քայլ է կատարում, իսկ Վաշինգտոնը բավարարվում է շաշկիով։
RT (Russia Today հեռուստաալիքի) վրա ամերիկյան հարձակումների շուրջ ծագած վերջին սկանդալի ընթացքում «Մակքեյնի միջազգային առաջնորդության ինստիտուտի» անդամ Դևիդ Քրեյմերը հակառուսական ճառեր էր ասել Washington Post–ում։ Քրեյմերն «Արևմուտքը պետք է մարտահրավեր նետի պուտինյան փիար մեքենային» հոդվածում աջակցել է RT-ի ակտիվների սառեցմանը` միաժամանակ անտեսելով կարևոր մի փաստ. հեռուստաալիքը Ռուսաստանի սեփականությունը չէ։ Այնուհետև նա շփոթել է RT-ն «Ռոսիա սեգոդնյա» տեղեկատվական գործակալության հետ, որը RT–ի հետ կապված կառույց չէ։
Քրեյմերը փորձում է լռեցնել քննադատությունը` թշնամանք սերմանելով նախապաշարմունքների և տգիտության օգնությամբ, գրում է Թորոսյանը։ Նա զլանում է ստուգել սեփական պնդումները, թեև տեղեկատվական պատերազմում փաստերը նշանակություն ունեն, հատկապես եթե դա դիմակայություն է Ռուսաստանից շատ խելացի ընդդիմախոսի հետ։
RT–ի գլխավոր խմբագիր Մարգարիտա Սիմոնյանն իր հեղինակային հոդվածում սրամիտ պատասխան է տվել. «Հաշվի առնելով, որ RT–ի ունեցվածքը պետական չէ, այն կալանքի տակ վերցնելն անօրինական կլիներ… Թեև ու՞մ են հետաքրքրում փաստերը կամ օրենքը։ Երբ խոսքն այն մասին է, որ լռեցնեն RT–ին և պատժեն Ռուսաստանին, ողջունելի է դառնում ցանկացած միջոց»։ Այնուհետև Սիմոնյանն ավելացրել է. «Ճակատագրի հեգնանքով RT–ի գործունեությունը սահմանափակելու կոչեր հնչում են նրանց կողմից, որոնք գովերգում են բազաբազանության և ժողովրդավարության արժանիքները։ Հիմա նրանք ցանկանում են ստիպել լռել այլախոհության եզակի ձայնը, որը հակասում է նրանց մատուցած նյութերին»։
«Ռուսական քարոզչության այդ ձեռքը` Պուտինի կառավարության բարձրախոսը» ԱՄՆ–ին հիշեցնում է ամերիկյան սահմանադրության առաջին շտկման մասին, նշում է Թորոսյանը։
Պարզ և անվիճելի փաստ. Վլադիմիր Պուտինը վարպետորեն օգտագործել է արտասահմանյան ԶԼՄ–ները և արդյունքում երրորդ անգամ դարձել աշխարհի ամենաազդեցիկ մարդը Forbes ամսագրի վարկածով։ Մինչ Օբաման սուր է ճոճում, Ռուսաստանն օգտագործում է տանկերն ու ավիացիան։
The Observer. Ռուսաստանն ու Պուտինը հաղթում են PR պատերազմում
© Sputnik / Михаил Климентьев
/ Բաժանորդագրվել
«Վլադիմիր Պուտինի խարիզմատիկ կերպարը», որը վարպետորեն օգտագործում են համաշխարհային ԶԼՄ–ները, այսօր հավասարը չունի, գրում է Ռոն Թորոսյանը The Observer–ում։ Նրա խոսքով` մինչ Օբաման սուր է ճոճում, Ռուսաստանն օգտագործում է տանկերն ու ավիացիան
