Դուբայի միջազգային ավտոսրահում ցուցադրել են հանրահայտ Բոնդի մեքենաները

Ջեյմս Բոնդի  ֆիլմերի երկրպագուները Դուբայի ավտոսրահում կարող են տեսնել տարբեր ֆիլմերից հայտնի դարձած ավտոմեքենաները, օրինակ` Aston Martin V8 Volante–ն, Toyota 2000 GT–ն։

«Այստեղ կա Aston Martin DB6, որը նույնիսկ անտեղյակ մարդուն է հայտնի որպես Բոնդի առաջին մեքենա։ Իմ հետևում Toyota 2000 GT է, կա նաև Aston Martin V8 Volante, Թիմոթի Դալթոնը նման մեքենան է ունեցել Բոնդի մասին ֆիլմերից մեկում, կարծեմ` «Կայծեր աչքերից» ֆիլմում»,– ասում է Ասիլ Յասինը` ցուցահանդեսին մասնակցող ընկերության աշխատակիցը։

Ցուցադրության են հանել նաև առեղծվածային «Ֆորսաժ 7» ֆիլմի Lykan HyperSport–ը և Volvo P1800–ը, որոնք վարել է Ռոջեր Մուրի կերպարը «Սուրբը» հայտնի հեռուստասերիալում։ Ցուցահանդեսում ներկայացվել են նաև Jaguar C-X75 և Land Rover Defender ավտոմեքենաների պատճենները, որոնք վարել են Բոնդի մասին նոր ֆիլմի` «Սպեկտրի» չարագործները, ինչպես նաև Aston Martin DB10, որը վարել է հենց 007 գործակալը։

Դուբայի միջազգային ցուցադրությունը մեկնարկել է նոյեմբերի 10-ին և կփակվի 14–ին։ Համաշխարհային առևտրի կենտրոնում կազմակերպված ցուցահանդեսի ընդհանուր մակերեսը գերազանցում է 85 հազար քառակուսի մետրը։ Ներկայացված է ավելի քան 600 ավտոմեքենա` Cadillac, McLaren, Lamborghini, Jaguar, Mazda, Porsche и Lincoln։ Ցուցադրվել է նաև Panoz, David Brown Automotive և Alvis Car Company  ապրանքանիշների արտադրանքը։