ԵՐԵՎԱՆ, 12 նոյեմբերի– Sputnik. Հայաստաի քաղաքներում և գյուղերում ուժեղ քամին զգալի վնասներ է հասցրել բնակելի և կոմունալ տնտեսությանը։
Ինչպես հաղորդում է ԱԻՆ մամուլի ծառայությունը, հոսանքազրկվել է Շիրակի մարզում` 4, Արագածոտնի մարզում` 28, Տավուշի մարզում` 13, Կոտայքի մարզում` 19 և Լոռու մարզում 22 գյուղ:
Լոռու մարզում վնասվել են 165 շենքերի և շինությունների տանիքները, կոտրվել են 3 ծառեր, գրանցվել է գազատար խողովակների վնասման 5 դեպք։ Արագածոտնի մարզում վնասվել են 80 տանիքներ, 9 էլեկտրական սյուներ, ևս 35 տանիքներ վնասվլ են Կոտայքում, 11–ը` Տավուշում։
Դեպքերի ականատես, վանաձորցի Էդուարդի խոսքով` քաղաքում ծառեր են կոտրվել են, սյուներ են տապալվել, վնասվել են մալուխները։
«Կոմունալ ծառայություններն աշխատում են հնարավորությունների ներածին չափով, բայց դա բավարար չէ։ Կտրվել են էլեկտրական լարերը, քաղաքի մի շարք թաղամասեր հոսանքազրկված են։ Քամին շարունակում է մոլեգնել»,– ասաց Էդուարդը։
Նա նշեց, որ որոշ տվյալներով` խանութներից մեկի տանիքը պոկվելու հետևանքով մարդիկ են տուժել։
