ԵՐԵՎԱՆ, 12 նոյեմբերի – Sputnik. Իտալիայի Բոլոնիա քաղաքում մեկնարկած Cioccoshow փառատոնը շոկոլադային իրարանցում է, որը սպասում է տոնի բոլոր մասնակիցներին։
Սա տոն է ոչ միայն քաղցրասերների, այլև հրաշալի ու անմոռանալի մի իրադարձություն է արվեստի սիրահարների համար` իր բոլոր դրսևորումներով: Եվ այս ամենը Cioccoshow շոկոլադի 11-րդ փառատոնն է, որը չորեքշաբթի մեկնարկել է Բոլոնիայի գլխավոր հրապարակ Պյացա Մաջորեում: Տարվա ամենաքաղցր միջոցառումը Բոլոնիայում կանցկացվի մինչև նոյեմբերի 15-ը:
Էմիլիա-Ռոմանիի մայրաքաղաքը 5 օրերի ընթացքում կդառնա հաճելի ժամանցի, հանդիպումների վայր շոկոլադի բոլոր սիրահարների համար, որտեղ կարելի է համտեսել և իմանալ վարպետ շոկոլադագործի գաղտնիքները՝ մասնակցելով բոլոր տարիքի անձանց համար նախատեսված տարբեր իրադարձություններին, դասընթացներին և սեմինարներին: XI փառատոնն անցկացվելու է Պյացա Մաջորե, Պյացա Գալվանի և Պյացա Նետունո հրապարակներում, ինչպես նաև Via dell'Archiginnasio, Via Ugo Bassi և Via Rizzoli փողոցներում:
