ԵՐԵՎԱՆ, 11 նոյեմբերի – Sputnik. Հայաստանի Ազգային ժողովը 74 կողմ, 13 դեմ և 18 ձեռնպահ ձայների հարաբերակցությամբ երկրորդ ընթերցմամբ ընդունեց «Ընտրական օրենսգրքում» և «Նույնականացման քարտերի մասին» օրենքում փոփոխություններ կատարելու մասին նախագիծը:
Նախագծով առաջարկվում է հնարավորություն տալ նույնականացման քարտեր ունեցող քաղաքացիներին մասնակցել սահմանադրական բարեփոխումների հանրաքվեին, որը կանցկացվի դեկտեմբերի 6-ին:
Ըստ նախագծի` նույնականացման քարտեր ունեցող քաղաքացիների մասնակցությունը հանրաքվեին կնշվի ընտրացուցակներում:
Նախագծի հեղինակներն են ԱԺ պետական-իրավական հարցերի մշտական հանձնաժողովի նախագահ, ՀՀԿ պատգամավոր Հովհաննես Սահակյանը, Արտակ Մինասյանը, Գագիկ Մինասյանը, Գագիկ Մելիքյանը:
