ԵՐԵՎԱՆ, 10 նոյեմբերի– Sputnik. Եվրոպական և ասիական մեդիայի ֆորումները (ԵԱՄՖ 2015) թույլ են տալիս հարստացնել հայկական ԶԼՄ–ները 21–ր դարի գործիքակազմով, Մոսկվայում տեղի ունեցած ԵԱՄՖ 2015–ի ընթացքում ասել է «Արմենպրես» տեղեկատվական գործակալության ղեկավար Արամ Անանյանը։ «Խոսելով Հայաստանի մասին` նշեմ, որ կոնտենտի հարցում ԶԼՄ–ների մեծամասնությունը կազմում է փոքր «նյուսռումեր», և արդի միջազգային խնդիրների վերաբերյալ նրանց տեսակետը հարստանում է 21–րդ դարի գործիքներով»,– ասել է Անանյանը։
Նրա խոսքով` համաժողովի պատմությունը, նախորդ հանդիպումներում քննարկված հարցերը տպավորիչ են իրենց մակարդակով և խորությամբ։ «Կարծիքների և տեսակետների բազմազանության մեջ հնչում են այնպիսի հետաքրքիր դրույթներ, որոնք թույլ են տալիս, առաջին հերթին, հասկանալ մեր գործընկերների մտքերն այս կամ այն հարցի վերաբերյալ»,– ասել է Անանյանը։ Մյուս կողմից, Անանյանի խոսքով` այդ համաժողովի շնորհիվ կարելի է պատկերացում կազմել, թե ինչ մեդիաօրակարգ են ունենալու մեր անմիջական գործընկերներն առաջիկայում։
«Դա ինքնըստինքյան շատ կարևոր է, քանի որ նորությունների, հրապարակումների ավելի քան 70 տոկոսը կարելի է կանխատեսել։ Դա հետաքրքիր հիմք է ծառայում հետագա աշխատանքի համար, և կարծում եմ, որ նման հանդիպումներ կազմակերպելու նման ձևաչափերը պետք է միայն ողջունենք»,– ասել է նա։
Եվրոպական և ասիական մեդիաների ֆորումը բացառիկ հարթակ է հետխորհրդային տարածքում, որը մեկ տանիքի տակ է հավաքում ԱՊՀ երկրների, Բալթիկայի և Վրաստանի առաջատար մեդիափորձագետներին` մեդիաարդյունաբերության զարգացման գործնթացների միտումները և կանխատեսումները քննարկելու համար։ Ֆորումն անցկացվում է 2006 թվականից։ Առաջին չորս տարիներին ֆորումներն անցկացվել են Մոսկվայում, այնուհետև ԵԱՄՖ–ն ընդունել են Կիևը, Աստանան, Մինսկը։ Աստանայում 2011 թվականին կայացած ԵԱՄՖ–ի մասնակցիներին ողջույնի խոսքով դիմել են Ռուսաստանի և Ղազախստանի նախագահներ Դմիտրի Մեդվեդևն ու Նուրսուլթան Նազարբաևը` ընդգծելով իրենց հետաքրքրվածությունը հետխորհրդային տեղեկատվական դաշտում գործընթացների դրական զարգացմամբ։ Մինսկում 2012 թվականին ԱՊՀ երկրների գլխավոր խմբագիրների ակումբի մասնակից լրագրողների հետ ԵԱՄՖ շրջանակում հանդիպել է Բելառուսի նախագահ Ալեքսանդր Լուկաշենկոն։ ԵԱՄՖ 2015–ը կշարունակի անցյալ տարիների ֆորումների ավանդույթները` իր հարթակը տրամադրելով բաց քննարկումների և փորձի փոխանակման համար։
Փորձագետ. Եվրասիական մեդիայի համաժողովը հարստացնում է հայկական ԶԼՄ–ների գործիքակազմը
© Sputnik / Рамиль СитдиковФорум европейских и азиатских медиа 2015
![Форум европейских и азиатских медиа 2015 Форум европейских и азиатских медиа 2015 - Sputnik Արմենիա](https://cdn.am.sputniknews.ru/img/1774/68/17746826_0:0:3622:2048_600x0_80_0_0_9341e206ee3b86cabe01faf857f67c2a.jpg)
© Sputnik / Рамиль Ситдиков
Բաժանորդագրվել
«Արմենպրես» տեղեկատվական գործակալության ղեկավար Արամ Անանյանը կարծում է, որ համաժողովի շնորհիվ կարելի է պատկերացում կազմել, թե առաջիկայում ինչ մեդիաօրակարգ են ունենալու մեր անմիջական գործընկերները