Սմագին. հայ շախմատիստները Եվրոպայի առաջնության ֆավորիտներից են

ԵՐԵՎԱՆ, 10 նոյեմբերի– Sputnik. Իսլանդիայում կայանալիք Եվրոպայի թիմային առաջնությունում հաղթանակի հիմնական հավակնորդներն են Ռուսաստանի, Հայաստանի և Ֆրանսիայի տղամարդկանց հավաքականները, «Ռ–Սպորտ» գործակալությանն է ասել Մոսկվայի Շախմատի ֆեդերացիայի փոխնախագահ Սերգեյ Սմագինը։

Մրցաշարը կացնկացվի Ռեյկյավիկում նոյեմբերի 12-22–ը։ Ռուսաստանի հավաքականի կազմում խաղում են Ալեքսանդր Գրիշչուկը, Պյոտր Սվիդլերը, Եվգենի Տոմաշևսկին, Դմիտրի Յակովենկոն և Յան Նեպոմնյաշչին։

«Եվրոպայի առաջնությունը վերջին խոշոր թիմային մրցաշարն է 2016թ.–ի համաշխարհային օլիմպիադայից առաջ։ Հաղթանակի հավակնորդների ցանկում մի քանի թիմ կա, բայց մրցաշարը որոշակի յուրահատկություններ ունի։ Ի տարբերություն օլիմադայի կամ աշխարհի առաջնության` չեն լինի Չինաստանի և ԱՄՆ–ի հզոր հավաքականները։ Եվ դա Եվրոպայի առաջնությունը մի քիչ այլ մրցույթ է դարձնում։ Ես կարծում եմ, որ հաղթանակի հավակնում են Ռուսաստանի, Հայաստանի, Ֆրանսիայի հավաքականները»,– հեռախոսազրույցի ընթացքում ասել է Սմագինը։

Գործակալության զրուցակիցը դժվարացել է գնահատել ռուսների`հաջողության հասնելու հավանականությունները։

Հայաստանի հավաքականի կազմում հանդես կգան Լևոն Արոնյանը, Գաբրիել Սարգսյանը, Սերգեյ Մովսիսյանը, Հրանտ Մելքումյանը և Հայաստանի գործող չեմպիոն Կարեն Գրիգորյանը։

Կանանց թիմում ընդգրկվել են Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան և Սուսաննա Գաբոյանը։

Եվրոպայի շախմատի թիմային առաջնությունը կազմված է 9 տուրից։ Առաջնությանը մասնակցում է 35 թիմ։