Երևան, 10 նոյեմբերի-Sputnik. Մոսկվա-Երևան ուղևորատար ավտոբուսի վթարի առնչությամբ ՀՀ վարչապետի որոշմամբ ստեղծված հանձնաժողովի հերթական նիստում որոշվել է վթարից տուժածներին տրամադրվելիք օգնության չափը։
Ռուսաստանի Դաշնության Տուլայի տարածաշրջանի Ուզլովսկի քաղաքի մոտ տեղի ունեցած վթարի առնչությամբ ստեղծված հանձնաժողովի նախագահ, տրանսպորտի և կապի նախարար Գագիկ Բեգլարյանը ներկայացրեց ավտոբուսի վթարից տուժածներին փոխհատուցում տրամադրելու մասին ՀՀ կառավարության որոշման նախագիծը:
Նախագծով նախատեսվում է վթարի հետևանքով զոհվածների ընտանքիներին տրամադրել 1 մլն 500 հազար ՀՀ դրամ: Հայաստանի Հանրապետության և Ռուսաստանի Դաշնության հիվանդանոցներում բուժումը շարունակող 14 վիրավորներին` 700 հազարական դրամ, իսկ ավտոբուսի մյուս բոլոր ուղևորներին` 500 հազարական դրամ:
Որոշման նախագիծը ՀՀ Կառավարության հաստատմանը կներկայացվի կառավարության առաջիկա նիստում, գումարը տուժածներին կտրամադրվի որոշման հաստատումից հետո:
Որոշվել է Մոսկվա-Երևան ավտոբուսի վթարից տուժածներին տրամադրվելիք օգնության չափը
© Sputnik / Asatur Yesayants
Բաժանորդագրվել
Մոսկվա-Երևան ուղևորատար ավտոբուսի վթարի առնչությամբ ՀՀ վարչապետի որոշմամբ ստեղծված հանձնաժողովի հերթական նիստում որոշվել է վթարից տուժածներին տրամադրվելիք օգնության չափը
