Սիրիական բանակը ՌԴ ՕՏՈՒ–ի աջակցությամբ և տեղացի աշխարհազորայինների մասնակցությամբ ահաբեկիչներից ազատել է Լաթաքիայի հյուսիսում գտնվող Գմամ գյուղը։ Դիտեք տեսանյութում, թե ինչպես էին ընթանում մարտական գործողությունները։
Ռուսաստանի հարվածող ավիացիան օգտագործել է 250 կիլոգրամանոց ռումբեր, որպեսզի ոչնչացնի գյուղում ահաբեկիչների ստորգետնյա դիրքերը։ Բացի այդ, ռուսական ինքնաթիռներին հաջողվել է վնասել գրոհայինների հրետանին և կասեցնել հարևան Ռաբբիա քաղաքից դեպի Գմամ նրանց աջակիցների, զենքի և պարենի մուտքը։
Ռմբակոծությունից հետո սիրիացի զինվորականները հարձակում են ձեռնարկել։
«Հարձակման ընթացքում բանակին օգնել են տեղի ինքնապաշտպանական ուժերի մարտիկները` տեղաբնակները, ովքեր հիանալի ճանաչում են տեղանքը», – պատմել է սիրիական բանակի գեներալը։
Գմամի հարձակմանը մասնակցում էին «Անապատի բազեներ» և «Փոթորկի արծիվներ» ջոկատների կամավորները, ինչպես նաև Սիրիական սոցիալ ազգայնական կուսակցության ջոկատը։
Գմամը ռազմավարական նշանակություն ունի, քանի որ գտնվում է բարձունքի վրա և թույլ է տալիս կրակել Լաթաքիայի տարածքի դիրքերի ուղղությամբ։
Սիրիացի զինվորները գրավված բարձունքից կրակ են բացել գրոհայինների դիրքերի ուղղությամբ
21:01 09.11.2015 (Թարմացված է: 21:03 09.11.2015)
© Ruptly
Բաժանորդագրվել
