ԵՐԵՎԱՆ, 7 նոյեմբերի- Sputnik. Ճապոնական առաջին ռեակտիվ ուղևորատար ինքնաթիռը՝ MRJ-ն (Mitsubishi Regional Jet), շաբաթ օրը հաջողությամբ անցել է հերթական փորձարկումը և թափ հավաքելու պահին սլացել է մինչև 220 կմ/ժ արագությամբ:
Ուրբաթ և շաբաթ օրերին օդանավն առաջին անգամ կարողացել է գետնից պոկել առջևի շասսին, հայտնում է Կիոդո գործակալությունը:
Mitsubishi Regional Jet-ի համար առաջին դետալները դեռ հինգ տարի առաջ էին ստեղծվել: Առաջին փորձնական թռիչքը ծրագրված էր այս տարվա մայիսին, սակայն տեխնիկական պատճառներով անընդհատ հետաձգվում էր: Շաբաթ օրվա փորձարկումներին պետք է հաջորդի փորձնական թռիչքը, որը նախատեսված է նոյեմբերի 9-ից 15-ն ընկած ժամանակահատվածում: Ստույգ ամսաթիվը կորոշվի՝ հաշվի առնելով եղանակի կանխատեսումնեը:
Օդանավի թռիչքի հեռավորությունը կազմում է մինչև 3,5 հազար կմ: Սպասվում է, որ պատվիրատուներն ինքնաթիռը կստանան 2017թ.-ին:
Ներկա պահին ներկայացված է MRJ-ի մի քանի տարբերակ: MRJ 70-ի առաջին տարբերակն ունի 78 տեղ, երկրորդը նախատեսված է 90 ուղևորի համար: Ընկերությունը չի բացառում, որ ապագայում կարող է լինել նաև 100 տեղանոց տարբերակը:
Ճապոնական առաջին ռեակտիվ ուղևորատար ինքնաթիռն անցել է փորձարկումները
© Sputnik / Георгий Петрусов
/ Բաժանորդագրվել
Mitsubishi Regional Jet օդանավի արտադրողները կարողացել են հասնել նրան, որ ինքնաթիռը մեծ արագության ընթացքում կարողանա գետնից կտրել դիմացի շասսին
