ԵՐԵՎԱՆ, 7 նոյեմբերի – Sputnik. Ուզլովսկի քաղաքի մոտ տեղի ունեցած Մոսկվա-Երևան երթուղու ուղևորատար ավտոբուսի վթարից տուժած, ծայրահեղ ծանր վիճակում գտնվող 68-ամյա կինը, որն գլխուղեղի ծանր վնասվածք ուներ, նոյեմբերի 7-ի լուսադեմին մահացել է: Այս մասին հայտնում է ՀՀ առողջապահության նախարարության մամուլի ծառայությունը:
Տուլայից ՀՀ առողջապահության նախարարի տեղակալ, ՀՀ վարչապետի որոշմամբ ստաղծված հանձնաժողովի անդամ Գագիկ Միրիջանյանի փոխանցմամբ՝ վթարին հաջորդող երեք օրերի ընթացքում հիվանդի մոտ հինգ անգամ սրտի կանգ էր արձանագրվել:
Կինը Ուզլովսկայա բժշկական կենտրոնում գտվում էր բժիշկների մշտական հսկողության ներքո, սակայն այսօր սրտի վեցերրորդ կանգի արձանագրման հետևանքով նրա կյանքը չհաջողվեց փրկել: Հիվանդն ուներ կյանքի հետ անհամատեղելի վնասվածքներ:
Ուզլովսկայա բժշկական կենտրոնում բուժում ստացող երկու հիվանդներից մեկը, որն ունի ողնաշարի կոտրվածք ռեանիմոբիլով արդեն տեղափոխվել է Մոսկվայի Սկլիֆոսովսկու անվան շտապօգնության քաղաքային գիտահետազոտական ինստիտուտ:
Բազմաբեկորային կոտրվածքներ ունեցող մեկ այլ տուժածի առողջական վիճակը վիրահատությունից հետո կայունացել է: Նա ևս այսօր ուղղաթիռով կտեղափոխվի Մոսկվա:
Վթարի հետևանքով տուժած մյուս 9 հիվանդների առողջական վիճակը կայունացել է:
Ավտովթարը տեղի է ունեցել երեքշաբթի Տուլայի մարզի տարածքում։ Մոսկվա–Երևան ավտոբուսում ավելի քան 60 մարդ է եղել, բոլորը` Հայաստանի քաղաքացիներ։
Ծայրահեղ ծանր վիճակում գտնվող 68-ամյա տուժածը մահացել է
16:08 07.11.2015 (Թարմացված է: 16:40 07.11.2015)
© Sputnik / Юрий Лашов
/ Բաժանորդագրվել
Վթարին հաջորդող երեք օրերի ընթացքում հիվանդի մոտ հինգ անգամ սրտի կանգ էր արձանագրվել
