ԵՐԵՎԱՆ, 6 նոյեմբերի — Sputnik. ՌԴ ԱԴԾ տնօրեն Ալեքսանդր Բորտնիկովը ԱՀԿ–ի նիստի արդյունքում ՌԴ նախագահ Վլադիմիր Պուտինին զեկուցել է մինչև А321-ի վթարման պատճառը պարզելը դեպի Եգիպտոս ավիահաղորդումները դադարեցնելու մասին ԱԴԾ որոշումը, լրագրողներին հայտնել է երկրի ղեկավարի մամուլի քարտուղար Դմիտրի Պեսկովը։
Ռուսական և խորհրդային ավիացիայի պատմության մեջ խոշորագույն ավիավթարը տեղի է ունեցել հոկտեմբերի 31–ին։ «Կոգալիմավիա» ավիաընկերության` Շարմ էլ Շեյխ – Սանկտ Պետերբուրգ 9268 թռիչքն իրականացնող Airbus-321 օդանավը կործանվել է Սինայի թերակղզու տարածքում: Ինքնաթիռում եղել է 217 ուղևոր և անձնակազմի 7 անդամ: Բոլորը զոհվել են։
«Երկրի ղեկավարը համաձայնել է այդ որոշման հետ։ Պուտինը կարգադրել է կառավարությանը` մեխանիզմներ մշակել ԱՀԿ–ի այդ որոշումն իրականացնելու և Ռուսաստանի քաղաքացիներին հայրենիք վերադարձնելու համար», – ասել է Պեսկովը։
«Նախագահը նաև հանձնարարել է կարգավորել փոխգործակցությունը եգիպտական կողմի հետ օդային հաղորդակցության անվտանգությունն ապահովելու համար», – հայտնել է նա։
