ԵՐԵՎԱՆ, 6 նոյեմբերի – Sputnik. Գործարար Լևոն Հայրապետյանի նկատմամբ հարուցված քրեական գործը` նախկին սենատոր Իգոր Իզմեստևի մորից 700 հազար դոլար հափշտակելու մասին, ուղարկվել է դատարան, ուրբաթ հայտնում է Ռուսաստանի գլխավոր դատախազության կայքը։
Հայրապետյանը մեղադրվում է ցմահ դատապարտված Բաշկիրիայի նախկին սենատոր Իգոր Իզմեստևի մորից 700 հազար դոլար հափշտակելու մեջ։ Հետաքննության տվյալներով` գործարարը կնոջը մոլորության մեջ է գցել` խոստանալով, որ խոշոր գումարի դիմաց կհասնի նրան, որ նրա որդու դատավճիռն ավելի մեղմ կլինի։ Իրականում այդ դատական որոշման վրա ազդելու ոչ մի հնարավորություն Հայրապետյանը չի ունեցել։
Հայրապետյանի նկատմամբ հարուցվել է ևս մեկ քրեական գործ։ Նա մեղադրվում է 2009 թվականի ապրիլին «Սիստեմա» ԲՖԿ կառույցներին Ուրալ Ռախիմովի կողմից երեք տարի գլխավորած «Բաշնեֆտը» վաճառելու գործում մասնակցության մեջ։ Իրավարար լայնածավալ գործողությունների արդյունքում «Բաշնեֆտը» վերադարձվել է պետությանը։
«Հայրապետյանի նկատմամբ հարուցված քրեական գործն ուղարկվել է Մոսկվայի Զամոսկվորեցկի շրջանի դատարան` ըստ էության քննելու համար», – գրված է հաղորդագրության մեջ։
700 հազար դոլար հափշտակելու գործով Հայրապետյանին սպասվում է մինչև տասը տարի ազատազրկում։
Հետքաննության տվյալներով` Հայրապետյանն ունի երկքաղաքացիություն և անշարժ գույք արտերկրում, մասնավորապես, վերջին ժամանակներում նա բնակվում էր Մոնակոյում։ Այդ փաստով էլ հենց հետաքննությունը բացատրում էր նրան ժամանակավոր մեկուսարանում պահելու անհրաժեշտությունը։ Հոկտեմբերի սկզբին գործարարին տնային կալանքի տակ առան։ Հայրապետյանի փաստաբանը ավելի վաղ հայտնել էր, որ իր պաշտպանյալի առողջական վիճակը վատացել է, և խնդրել էր նրան ազատ արձակել։
