ՌԴ ՌՏՈՒ ավիախումբը շարունակում է հարվածներ հասցնել Սիրիայում գործող «Իսլամական պետություն» ահաբեկչական խմբավորման օբյեկտներին։ Դիտեք պաշտպանության նախարարության` Լաթաքիայի մոտ գտնվող «Հմեյմիմ» ավիակայանից Սու-24Մ մարտական թռիչքի կադրերը։
Սիրիայում ՌԴ «Իսլամական պետության» գրոհայինների դեմ գործողություններին մասնակցող ռուսական ինքնաթիռը երկու օրվա ընթացքում իրականացրել է 81 թռիչք և ավիահարվածներ հասցրել ահաբեկիչների 263 օբյեկտների Սիրիայում։ Այդ մասին հինգշաբթի հայտնել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը։
«Վերջին երկու օրվա ընթացքում ռուսական ավիախմբի ինքնաթիռները Սիրիայում 81 մարտական թռիչք են իրականացրել 263 օբյեկտի ուղղությամբ Հալեպում, Դամասկոսում, Դեյր էլ Զորում, Իդլիբում, Լաթաքիայում, Ռաքայում, Համայում և Հոմսում», – ասել է Կոնաշենկովը։
Սիրիայում ՌԴ ՌՏՈՒ կողմից իրականացվող գործողությունները սկսվել են սեպտեմբերի 30-ին։ Դրանց նպատակն է ՍԱՀ–ի կառավարական զորքերի ցամաքային գործողություններին աջակցելը և ԻՊ ահաբեկչական խմբավորումների ենթակառուցվածքները խոցելը։ Այս ընթացքում ռուսական ինքնաթիռներն իրականացրել են ավելի քան 1000 մարտական թռիչք` ոչնչացնելով մի քանի հարյուր գրոհայիններ, տասնյակ կառավարման կետեր, պահեստներ և այլ ահաբեկչական օբյեկտներ։
Սիրիայում ռուսական Սու-24Մ ինքնաթիռից ռումբ նետելու պահը
© Минобороны РФ
Բաժանորդագրվել
