Charlie Hebdo-ն A321-ի վթարի հետ կապված ծաղրանկարներ է հրապարակել

ԵՐԵՎԱՆ, 6 նոյեմբերի– Sputnik. Charlie Hebdo երգիծական ամսագիրն իր էջերում ռուսական A321 ինքնաթիռի աղետի հետ կապված երկու ծաղրանկար է հրապարակել։

Ծաղրանկարներից մեկում պատկերել են «Իսլամական պետություն» ահաբեկչական խմբավորման գրոհայինի, որի վրա ինքնաթիռի բեկորներ են ընկնում երկնքից։ Նկարը մակագրված է` «ԻՊ. ռուսական ավիացիան ուժեղացնում է ռմբակոծությունները»։

Երկրորդ ծաղրանկարում արևապաշտպան ակնոցով գանգ է պատկերված` կոործանվող ինքնաթիռի ֆոնին։ «Ռուսական լոուքոսթերի վտանգները։ Ես պետք է մեկնեի Air Cocaine–ի չվերթով»,– նկարի մակագրությունը ուղղված է ֆրանսիական ինքնաթիռի հետ կապված սկանդալային միջադեպին, երբ ինքնաթիռի սրահում ավելի քան 600 կգ կոկաին էր հայտնաբերվել։

Ամսագիրն առաջին անգամ չէ, որ «ծաղրում է» ավիավթարի զոհերին։ Հնդկական օվկիանոսում մալայզիական ինքնաթիռի առաջին բեկորները հայտնաբերելուց հետո Charlie Hebdo–ի նկարիչների հրապարակած ծաղրանկարում պատկերված էին անհետացած Boeing–ի ուղեկցորդուհու և օդաչուի «հատվածները»։

Սեպտեմբերին ամսագրի աշխատակիցները կրկին քննադատության էին ենթարկվել։ Շատերը համարում էին, որ մահացած 3 տարեկան սիրիացի երեխայի ծաղրանկարը հատել է բարոյականության սահմանագիծը։

Հունվարին Մուհամմեդ մարգարեի ծաղրանկարի հրապարակումից հետո Ֆրանսիայում զինված հարձակում իրականացվեց Charlie Hebdo–ի խմբագրության վրա։ Երկու չարագործներ ներխուժել էին խմբագրություն և կրակել մարդկանց վրա։ Մահացել էր 12 հոգի, այդ թվում` երկու ոստիկան, հարձակվողներին հաջողվել էր թաքնվել, սակայն նրանց սպանել էին ձերբակալության ժամանակ։