ԵՐԵՎԱՆ, 6 նոյեմբերի– Sputnik. Եգիպտոսում վթարի ենթարկված Airbus A321 ինքնաթիռի ինքնագրիչի վերծանումից հետո ստացված տեղեկություններն առայժմ չեն օգնել ավիավթարի պատճառները պարզելու գործին, հայտարարել են «Կոմերսանտ» թերթի աղբյուրները։
Ավելի վաղ Ռոսավիացիայի ղեկավար Ալեքսանդր Ներադկոն հայտարարել էր, որ Եգիպտոսում կործանված A321–ի ինքնագրիչներից մեկն արդեն վերծանված է, տվյալները հանձնել են մասնագետներին, իսկ խոսքային «սև արկղը» կվերծանվի առաջիկայում։
«Կոգալիմավիա» ավիաընկերության Airbus А321–ի ինքնագրիչի վերծանումը չի օգնել ավիավթարի պատճառը պարզելու գործին»,– թերթը ներկայացնում է ավիավթարի հետաքննությանը քաջածանոթ աղբյուրների խոսքը։
Թերթի տեղեկություններով` «ինքնագրիչը ցույց է տվել, որ ողջ թռիչքի ընթացքում, որը տևել է շուրջ 20 րոպե, A321–ի բոլոր համակարգերը սարքին են եղել… Սակայն հետո ինչ–որ բան է պատահել, որից հետո ինքնաթիռի բոլորի համակարգերի աշխատանքը միաժամանակ ընդհատվել է»։
«Գազետան», հղում անելով աղբյուրներին, հաղորդում է, որ խոսքային ինքնագրիչը խիստ վնասված է։ Ավելի վաղ «Ռոսիա 24» հեռուստաալիքին տված հարցազրույցում Ռոսավիացիայի ղեկավար Ալեքսանդր Ներադկոն հայտարարել է, որ «խոսքային ինքնագրիչը վնասված է, բայց ենթադրվում է, որ առաջիկայում հնարավոր կլինի վերծանել այն»։
Ռուսական և խորհրդային ավիացիայի պատմության մեջ խոշորագույն ավիավթարը տեղի է ունեցել հոկտեմբերի 31–ին։ «Կոգալիմավիա» ավիաընկերության` Շարմ էլ Շեյխ – Սանկտ Պետերբուրգ 9268 թռիչքն իրականացնող Airbus-321 օդանավը կործանվել է Սինայի թերակղզու տարածքում: Ինքնաթիռում եղել է 217 ուղևոր և անձնակազմի 7 անդամ: Բոլորը զոհվել են։
Ինքնագրիչի տվյալներն առայժմ չեն բացահայտել A321-ի կործանման պատճառը
12:42 06.11.2015 (Թարմացված է: 14:34 06.11.2015)
Բաժանորդագրվել
«Սև արկղը» ցույց է տվել, որ թռիչքի ժամանակ A321–ի բոլոր համակարգերը սարքին են եղել, սակայն հետո ինչ–որ դեպք է տեղի ունեցել, որից հետո ինքնաթիռի համակարգերի աշխատանքի արձանագրումն ընդհատվել է
