ԵՐԵՎԱՆ, 6 նոյեմբերի– Sputnik. ԱՄՆ նախագահ Բարաք Օբաման կարծում է, որ Եգիպտոսում վթարի ենթարկված ռուսական A321 ինքնաթիռում կարող էր պայթուցիկ սարք տեղադրված լինել։
Ավելի վաղ Սպիտակ տան մամուլի քարտուղար Ջոշ Էռնեստը հայտարարել էր, որ Եգիպտոսում A321 ռուսական ինքնաթիռի կործանման պատճառների հարցում ԱՄՆ–ն դեռ սեփական եզրակացություն չի կայացրել, բայց նաև չի բացառում ահաբեկչության վարկածը։
«Կարծում եմ` հավանականություն կա, որ ինքնաթիռում ռումբ է եղել»,– ԱՄՆ նախագահի խոսքն է մեջբերում Բլումբերգ գործակալությունը։
Նրա խոսքով` ԱՄՆ–ն մտադիր է սեփական հետաքննություն անցկացնել, և երկրի հետախուզությունը «հաստատ կպարզի, թե ինչ է կատարվում», նախքան ողբերգության պատճառների մասին հայտարարություն անելը։
«Չեմ կարծում, որ մենք արդեն գիտենք (պատճառը` խմբ.)»,– ավելացրել է նախագահը։
Ռուսական և խորհրդային ավիացիայի պատմության մեջ խոշորագույն ավիավթարը տեղի է ունեցել շաբաթ օրը։ «Կոգալիմավիա» ավիաընկերության` Շարմ էլ Շեյխ – Սանկտ Պետերբուրգ 9268 թռիչքն իրականացնող Airbus-321 օդանավը կործանվել է Սինայի թերակղզու տարածքում: Ինքնաթիռում եղել է 217 ուղևոր և անձնակազմի 7 անդամ: Բոլորը զոհվել են։
Օբաման չի բացառում, որ վթարի ենթարկված А321–ում կարող էր ռումբ լինել
© RIA Novosti / Максим Григорьев
Բաժանորդագրվել
ԱՄՆ–ն պատրաստվում է հետաքննել ռուսական ինքնաթիռի աղետի հանգամանքները, այնուհետև վերջնական հայտարարություն անել
