Թռիչքուղու մոտ հերթապահող Շտապօգնության մեքենաները տուժածներին անմիջապես կտեղափոխեն հիվանդանոց

ԵՐԵՎԱՆ, 5 նոյեմբերի – Sputnik. «Զվարթնոց» օդանավակայանում հավաքված մարդիկ սպասում են ժամը 22։11–ին վայրէջք կատարող ինքնաթիռին, որը Երևան է տեղափոխում Տուլայի մոտ տեղի ունեցած խոշոր ավտովթարից տուժած անձանց։

Sputnik Արմենիա գործակալության թղթակիցը հայտնում է, որ Շտապօգնության մեքենաներն անմիջապես թռիչքուղու մոտ կդիմավորեն տուժածներին և նրանց հիվանդանոց կտեղափոխեն։

Ավտովթարը տեղի է ունեցել երեքշաբթի Տուլայի մարզի տարածքում։ Մոսկվա–Երևան ավտոբուսում ավելի քան 60 մարդ է եղել, բոլորը` Հայաստանի քաղաքացիներ։ Վթարի հետևանքով մահացել է ութ մարդ, տուժել 48–ը, որոնցից 10–ը գտնվում են վերակենդանացման բաժանմունքում։