ԵՐԵՎԱՆ, 5 նոյեմբեր– Sputnik. Տաջիկստանի տրանսպորտի նախարարությունը հերքել է այն տեղեկությունը, որ Հարավային Սուդանում կործանված Ան–12 ինքնաթիռը պատկանել է տաջիկական ավիաընկերությանը։
«Կործանված ինքնաթիռը պատկանել է Ala International LTD հայկական ավիաընկերությանը, բայց նախկինում այդ ինքնաթիռը հաշվառվել է Asia Airways տաջիկական մասնավոր ավիաընկերության ռեեստրում, որը հիմնականում զբաղվել է բեռնափոխադրումներով և տվյալ պահին չի գործում»,– լրագրողներին ասել է Տաջիկստանի տրանսպորտի նախարարության քաղաքացիական ավիացիայի վարչության պետ Յուսուֆ Ռախմանովը։ Կնքված պայմանագրի համաձայն, թռչելու համար պիտանի լինելու պատասխանատվությունը կրում է հայկական ավիաընկերությունը, պարզաբանել է նա։
Որոշ ԶԼՄ–ներ տեղեկություն էին տարածել այն մասին, որ ինքնաթիռը տաջիկական մասնավոր ավիաընկերության է պատկանել։ Asia Airways–ի ղեկավար Նարզիկուլ Խամրաևի խոսքով` ընկերությունը պայմանագիր է կնքել, որի համաձայն ինքնաթիռը ուղևորվել է Asia Airways–ի կոդի տակ, բայց կատարել է Միացյալ Արաբական Էմիրություններում գրանցված ընկերության պատվերները։
Նոյեմբերի 4-ի առավոտյան Հարավային Սուդանում վթարի է ենթարկվել Ան-12 տրանսպորտային ինքնաթիռը։ Նախնական տվյալով` այն ընկել է թռիչքուղուց 800 մետր բարձրության վրա։ Հարավային Սուդանի նախագահի ներկայացուցչի խոսքով` Ան–12 ինքնաթիռում գտնվող 18 ուղևորներից փրկվել են երեքը, բոլորը` Հարավային Սուդանի քաղաքացիներ։ Վթարի հետևանքով մահացել են ինքնաթիռի անձնակազմի անդամները` Հայաստանի հինգ քաղաքացիներ և մեկ ռուսաստանցի։ Փրկարարաներն աղետի վայրում 36 զոհի մարմիններ են գտել։
Տրանսպորտի նախարարություն. վթարի ենթարկված Ան–12–ը տաջիկական ընկերության չի պատկանում
© Reuters
Բաժանորդագրվել
Տաջիկստանի տրանսպորտի նախարարությունը հայտարարել է, որ Հարավային Սուդանում կործանված Ան–12 ինքնաթիռը պատկանել է Ala International LTD հայկական ավիաընկերությանը, ավելի վաղ հաշվառվել է Asia Airways տաջիկական ավիաընկերության ռեեստրում
