ՌԴ ԱԻՆ–ի փրկարարները А321 ինքնաթիռի վթարի շրջանում իրականացվող գործողությունների գոտին ընդլայնել են մինչև 40 քկմ: Տեսանյութը դիտելով` կարող եք տեսնել, թե ինչպես են մասնագետներն անօդաչու թռչող սարքեր օգտագործում` ցամաքում որոնումներ իրականացնող ջոկատներին օգնելու համար
Փրկարարները Եգիպտոսում А321–ի վթարի շրջանում ուսումնասիրել են 33 քկմ տարածք, հինգշաբթի հաղորդել է Ռուսաստանի ԱԻՆ Ճգնաժամային իրավիճակներում կառավարման ազգային կենտրոնի պետի պաշտոնակատար Ալեքսեյ Սմիրնովը:
«Որոնման գոտին ընդլայնվել է մինչև 40 քկմ, հետազոտված է 33 քառակուսի կիլոմետրը»,– ասել է նա։
«Անցած օրերի ընթացքում որոնման գոտում հայտնաբերվել է զոհերից մեկի մարմինը, ինչպես նաև` հինգ խոշոր, 58 մանր և միջին բեկորներ, ռուսական 4 անձնագիր»,– նշել է ՌԴ ԱԻՆ–ի խմբի ղեկավար Ալեքսանդր Ագաֆոնովը։
Քննիչները խմբավորել են բոլոր գտնված իրերը և փաթեթավորել դրանք Սանկտ Պետերբուրգ առաքելու համար։ Ռուսական և խորհրդային ավիացիայի պատմության մեջ խոշորագույն ավիավթարը տեղի է ունեցել շաբաթ օրը։ «Կոգալիմավիա» ավիաընկերության` Շարմ էլ Շեյխ – Սանկտ Պետերբուրգ 9268 թռիչքն իրականացնող Airbus-321 օդանավը կործանվել է Սինայի թերակղզու տարածքում: Ինքնաթիռում եղել է 217 ուղևոր և անձնակազմի 7 անդամ: Բոլորը զոհվել են։
Փրկարարները հատուկ սարք են օգտագործում Airbus A321-ի վթարի զոհերի մարմինները գտնելու համար
15:38 05.11.2015 (Թարմացված է: 15:59 05.11.2015)
© Ruptly
Բաժանորդագրվել
